Tjetër tërmet i fortë në Itali

August 24, 2016 14:44

Tjetër tërmet i fortë në Itali

Një tjetër tërmet i fortë, 4.7 ballë, është ndjerë rreth orës 13:50 në Arquata del Tronto, pak kilometra larg zonës ku kishte epiqendrën tërmeti shkatërrues që rrafshoi qindra banesa dhe shkaktoi vdekjen e dhjetëra personave, në Italinë Qendrore.

Sipas mediave italiane, lëkundjet janë ndjerë edhe në Romë.

Itali është goditur nga disa tërmete ditën e sotme, duke shkaktuar të paktën 63 viktima dhe mbi 150 të plagosur.

Lëkundjet më të mëdha u ndjenë në Arquata del Tronto, ku shumë shtëpi u rrënuan.

Pikërisht në këtë zonë, ra tjetër tërmet rreth orës 13:50, por nuk ka sinjalizime për dëme të tjera.

Ekipet e shpëtimit vazhdojnë kërkimet nën rrënoja për të gjetur të mbijetuar.

Autoritetet kanë paralajmëruar se të tjera lëkundje sizmike pritet të ketë gjatë orëve në vijim në Itali.

August 24, 2016 14:44
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*