Trafiku i rënduar në Plepa-Golem, policia: Përdorni mbikalimin e Kavajës

July 22, 2018 12:02

Trafiku i rënduar në Plepa-Golem, policia: Përdorni mbikalimin e Kavajës

 

Trafiku i rënduar që krijohet në fundjavë në akset që të çojnë drejt vijës bregdetare të Durrësit ka mobilizuar Policinë Rrugore, që këtë të diel me një njoftim për mediat i bën thirrje drejtuesit të mjeteve, që frekuentojnë aksin dytësor Plepa –Golem, të lëvizin në drejtim të Mbikalimit të Kavajës.

Njoftimi i policisë:

Nisur nga fluksi i madh i mjeteve që qarkullojnë në fundjavë në segmentin rrugor Plepa–Golem, Policia Rrugore Durrës me qëllim sigurimin e lëvizjes së lirë dhe pa probleme në këtë aks këshillon drejtuesit e mjeteve sa më poshtë:

– gjatë orarit të pasdites të qarkullojnë në intervale kohe të ndryshme dhe jo në mënyrë të menjëhershme;

-të mos kryejnë manovra të gabuara si: parakalime, mos-respektim të normave të shpejtësisë, mos–ruajtje të distancës së sigurisë së mjeteve në lëvizje etj.

– drejtuesit e mjeteve që kanë ardhur me pushime në zonën e Golemit, Mali i Robit të qarkullojnë në drejtim të Mbikalimit të Kavajës për të dalë në autostradë për në Tiranë për shkak të ngarkesës.

Specialistët e Sektorit të Qarkullimit Rrugor Durrës do të ndëshkojnë çdo drejtues mjeti që shkel normat e Kodit Rrugor.

a.s/dita

July 22, 2018 12:02
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*