Tjetër tragjedi në Itali, vdesin 13 ekskursionistë, i rrëmben rryma e ujit

August 21, 2018 09:28

Tjetër tragjedi në Itali, vdesin 13 ekskursionistë, i rrëmben rryma e ujit

 

Italia është përfshirë në një tjetër katastrofë mbrëmjen e djeshme. Të paktën 11 ekskursionistë humbën jetën në grykën e Raganellos në komunën arbëreshe Civita (Qifti) në provincën e Kozencën në Kalabri, , pas shirave të rrëmbyeshëm që shkaktuan një rritje të papritur të nivelit të ujit.

Dy trupat e fundit të pajetë, që i shtohen atyre të katër femrave dhe katër burrave të gjetur më herët, janë gjetur në një largësi prej tre km nga pika ku ishin gjendur në vështirësi. Pesë mbeten akoma të zhdukur dhe 11 janë të lënduar.

Në anën tjetër 20 janë të shpëtuar. Skuadrat e shpëtimit kanë punuar përgjatë gjithë natës ndërkohë që operacionet e kërkimit vijojnë edhe sot.

Janë zjarrfikësit, policia pyjore, trupa kombëtare e shpëtimit etj që janë angazhuar në këto operacione.

Por fatkeqësisht bilanci i viktimave pritet të rritet. Siç shpjegon kreu i mbrojtjes civile të Rajonit të Kalabrisë, Carlo Tansi, vështirësia për të pasur një pasqyrë të qartë se kush është zhdukur është për shkak të faktit që ekskursionistët ishin në grupe të shpërndara.

Operacionet tani do të zhvendosen edhe më tej në grykën e lumit, sepse ekziston frika se disa viktima mund të jenë tërhequr deri në det.

l.h/ dita

August 21, 2018 09:28
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*