Tre studentët që zbuluan “Dieselgate”. Skandali i kushtoi Volkswagen-it 25 miliard euro

October 24, 2017 14:39

Tre studentët që zbuluan “Dieselgate”. Skandali i kushtoi Volkswagen-it 25 miliard euro

 

Skandali i emetimeve të naftës që i kushtoi Volkswagen 25 miliard euro u zbulua nga një treshe e studentëve të universitetit Virxhinias Perëndimore.

Arvind Thiruvengadam dhe Hemanth Kappanna janë nga India, ndërsa Marc Besch është nga Zvicra. Bashkangjitur me Universitetin e West Virginia është një institut për hulumtimin e emetimeve, ndoshta jo fusha e studimit ku një 30 vjeçar mund të aspirojë për një karrierë në inxhinierinë automatike.

Instituti quhet Qendra për Makinat Alternative dhe Emetimet (CAFEE), e vendosur në një strukturë të papërshkueshme prej hekuri në kodrat e Virxhinias Perëndimore. Me fjalë të tjera, në mes të një vendi të humbur, pasi qyteti më i afërt është Morgantown. Këtu Arvind, Hemanth dhe Marc filluan të matnin emetimet, duke nisur me kamionët dhe pastaj me makinat e pasagjerëve – derisa zbuluan rastësisht një skandal që gjunjëzoi prodhuesin më të madh të automobilave në botë.

Testet e emetimeve të kryera nga Arvind, Hemanth dhe Marc tashmë i kushtojnë kompanisë Volkswagen rreth 25 miliardë euro dhe ky nuk është aspak fundi i saj. Për shkak të studimi të hartuar nga këta tre studentë, ish drejtuesit e VW kërkohen nga FBI, një person është arrestuar në SHBA dhe disa të tjerë janë në paraburgim në Gjermani. Një politikan e quajti “skandalin më të madh industrial që nga Lufta e Dytë Botërore”.

Që atëherë, karriera e tre studentëve nuk ka përparuar në ndonjë  mënyrë domethënëse. Marc, tani 34 vjeç, punon si ndihmës hulumtues. Rrobat e tij sportive e bëjnë atë të duket sikur po përgatitet për një akullnajë në Alpet zvicerane. Arvind është gjithashtu 34 vjeç dhe ka fituar titullin “profesor asistent kërkimor”. Me kostumin e tij të errët dhe këmishën e zezë, ai duket më pak si një specialist i emetimeve dhe më shumë si një ekspert i Azisë Jugore.

Vetëm Hemanth, një 39-vjeçar me mjekër, ka ndërruar profil dhe tani punon në industri. Ai ka një punë në General Motors në Detroit. Falë rolit që ata luajtën në skandalin e naftës, shefi i tyre, drejtori i CAFEE, Dan Carder, u përfshi në listën e revistës Time të 100 njerëzve më me ndikim në vitin 2016.

October 24, 2017 14:39
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*