Treshja: Nuk nisim bisedimet me Britaninë pa Nenin 50

June 28, 2016 12:45

Treshja: Nuk nisim bisedimet me Britaninë pa Nenin 50

Kancelarja gjermane, Angela Merkel, presidenti francez, Fransua Holond dhe kryeministri italian, Mateo Renci, kanë rënë dakord që të mos nisin bisedimet me Britaninë për largimin e saj nga BE, derisa qeveria britanike të aktivizojë Nenin 50 të Traktatit të Lisbonës.

“Ramë dakord që Neni 50 i traktatit Europian e saktëson shumë mirë se një vend që dëshiron të largohet nga BE-ja, duhet të njoftojë Këshillin e Europës”, tha Merkel gjatë konferencës së përbashkët për shtyp në Berlin.

Ata nxitën Britaninë që të bëhet gati për nisjen e negociatave të daljes nga Unioni. “Përgjegjësia jonë është të mos humbasim kohë me daljen e Britanisë”, tha nga ana e tij presidenti i Francës.

Komentet e treshes, erdhën pasi Presidenti i Komisionit Europian, Zhan Klod Junger, kritikoi vendimin e Dejvid Kameronit për shtyrjen e negociatave të daljes së Britanisë nga BE, derisa të formohet kabineti i ri qeveritar. “Britanikët vendosën se duan të largohen nga BE. Nuk ka më kuptim që të presim deri në tetor”, tha Junker

June 28, 2016 12:45
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*