Tronditet Milani, UEFA nuk pranon “marrëveshjen vullnetare”

December 7, 2017 09:13

Tronditet Milani, UEFA nuk pranon “marrëveshjen vullnetare”

Komisioni i “Fair Play”-t të UEFA-s ka djegur atë që konsiderohet si “marrëveshje vullnetare” aq shumë të kërkuar nga Milani.

Mbledhja për këtë vendim do të zhvillohet të premten në Nion, por nga disa burime të brendshme, “Gazzetta dello Sport” zbulon se UEFA do t’i thotë “Jo” planit të propozuar nga drejtuesit më të lartë kuqezi.

Një vendim ky me dy efekte të rëndësishme. Së pari në aspektin e imazhit, pasi refuzimi i organizmit më të lartë të futbollit europian përbën një “shuplakë” të rëndë, duke qenë se UEFA nuk ka besim në planin zhvillimor dhe rehabilitues të prezantuar nga Marco Fassone, por edhe mbi besueshmërinë dhe vazhdueshmërinë e financave të pronarëve kinezë. E së dyti në planin praktik, pasi refuzimi i marrëveshjes vullnetare presupozon se Milani do t’iu nënshtrohet sanksioneve, në rast të sigurimit të pjesëmarrjes në kupat europiane gjatë edicioneve në vijim.

Megjithatë, pesha e këtyre sanksioneve mbetet për t’u vendosur gjatë pranverës së vitit të ardhshëm.

December 7, 2017 09:13
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*