Turizmi, rritje 9.5 për qind në periudhën janar-maj

June 22, 2017 14:24

Turizmi, rritje 9.5 për qind në periudhën janar-maj

Numri i shtetasve të huaj që kanë hyrë në Shqipëri gjatë 5-mujorit të parë të vitit është rritur me 9.5%, deklaron Instituti i Statistikave.

Por ajo që të bie në sy në shifrat e INSTAT është se numri i të huajve që kanë deklaruar në kufi se kanë ardhur për qëllime pushimi është gati 3-fishuar.

Nga rreth 132 mijë e 700 që ishin në janar-majin e 2016-s, numri i pushuesve të huaj ka shkuar në gati 367 mijë persona në 5-mujorin e këtij viti.

Paralelisht është shtuar edhe numri i vizitorëve që kanë ardhur në Shqipëri për qëllime biznesi, duke u rritur nga 20 mijë e 500, që ishin në 5 mujorin e 2016 në rreth 25 mijë në janar-majin e këtij viti.

Interesante është edhe ndryshimi i gjeografisë nga vijnë shtetasit e huaj.

Për majin, Kosova mban peshën kryesore, por krahasuar me majin e një viti më parë ajo ka rënë me 17 pikë përqindje, ndërkohë që në rritjë janë vizitorët nga Italia dhe vendet e tjera, përkatësisht me rreth 11 dhe 5 pikë perqindje.

Rrugët kryesore të hyrje-daljeve janë ato tokësore me 79.7% të totalit, ndjekur nga rrugët ajrore me 13.5% dhe detare me 6.8%.

June 22, 2017 14:24
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*