Ulet ndjeshëm mbështetja e amerikanëve për Trump

Nga Arkiva

• Gafa e zyrtarit të lartë japonez: Koreano-veriorët të shënjestrojnë… Tokion 0 07.Jul
• Kostoja ekonomike e daljes së Greqisë nga eurozona? 2 21.Feb
• Obama për vendosjen e trupave në Siri: Nuk e thyem premtimin, trupat janë vetëm për këshillim 2 03.Nov

Sipas një ankete të re, popullariteti i presidentit Donald Trump ka rënë gjatë 2-3 muajve të fundit.

Në anketën e përbashkët të gazetës “Washington Post” dhe televizionit ABC, mbështetja për Trump ka rënë nga 42% në muajin prill, në 36%në korrik.

Ndërkohë, është shtuar mosmiratimi, për politikat e ndjekura nga presidenti, duke arritur në shifrën 58 %; 48 % prej tyre thonë se “nuk janë aspak dakord” me mënyrën e trajtimit të çështjeve të ndryshme nga presidenti.

Një nivel kaq të ulët miratimi ka patur vetëm për Presidentin George W. Bush gjatë mandatit të tij të dytë.

Thuajse gjysma e amerikanëve, 48 % e tyre, mendojnë se vizioni për Shtetet e Bashkuara në botë është dëmtuar gjatë presidencës Trump, vetëm 27 % e të anketuarve thonë se vizioni i vendit është përmirësuar.