Valutat në pikiatë/ “Individët po konvertojnë kursimet nga euro në lekë”

May 30, 2018 13:29

Valutat në pikiatë/ “Individët po konvertojnë kursimet nga euro në lekë”

 

Valutat janë nënçmuar përkundrejt lekut në tregun vendas.

Monedha e përbashkët europiane shënoi sot një rekord të ri të ulët duke u këmbyer në kuotën e 126.28 lekëve.

Sipas kursit zyrtar të Bankës së Shqipërisë euro është nënçmuar nga dje me 0.2 pikë. Ky është niveli më i ulët që nga fillimi i vitit 2009.

Zhvlerësim të fortë ka pësuar edhe dollari amerikan.

Pas një rritje të fortë gjatë ditës së djeshme, ku dollari u çmua me 1.17 lekë, sot u këmbye në nivelin e 108.79 lekëve, apo rreth 0.83 pikë më pak se një ditë më parë.

Dollari ka reflektuar zhvillimet më të fundit nga tregjet ndërkombëtare, ku inflacioni në Gjermani dhe qetësimi i situatës në Itali, bëri që euro të stabilizohet në bursat ndërkombëtare.

Sipas ekspertëve të këmbimit valutor, ecuria e këmbimit të monedhës së gjelbër dhe lekut vendas është reflektim i ecurisë  së nivelit të këmbimit të dollarit dhe euros në tregjet ndërkombëtare, shkruan Monitor.

Ndërsa për sa i përket ecurisë së kursit të këmbimit të euros me lekun, ata argumentojnë se është reflektim i faktorëve në tregun e brendshëm të këmbimit valutor.

Sipas ekspertëve arsyeja kryesore e nënçmimit të shpejtë të euros, e cila brenda dy ditëve është nënçmuar me gati gjysmë pike, vijon të mbetet oferta e lartë në valutë dhe ndërkohë që leku në qarkullim vijon në normalitet.

Oferta e lartë në valutë pati si burim kryesor prurjet nga aktivitetet e jashtëligjshme, ndërsa aktualisht po ndikohet edhe nga prurjet e turistëve të huaj. Ndryshe nga sa më parë sezoni turistik zgjat përtej tre muajve qershor-gusht.

Ndërkohë aktorët kryesorë të tregut thonë se tendenca rënëse e euros do të vijojë.

Në dobësimin e euros gjatë verës do të ndikojnë flukset e turistëve nga Kosova, pas përfundimit të Muajit të Ramazanit dhe ardhjet e emigrantëve gjatë muajit gusht.

Ekspertët e tregut valutor pohojnë se një tjetër faktor që kanë konstatuar është tendenca për të konvertuar kursimet nga euro në lekë, teksa kanë frikë se euro do të vazhdojë të zhvlerësohet.

Një dukuri e tillë është konstatuar dhe në sistemin bankar.

Sipas të dhënave të Bankës së Shqipërisë, në prill, në raport me muajin e mëparshëm kursimet në valutë, që në pjesën dërrmuese janë në euro, ranë me 1.3%, ose gati 7 miliardë lekë, duke zbritur në 516 miliardë lekë. Këtu ka ndikuar dhe zhvlerësimi i monedhës së përbashkët, e cila sipas kursit zyrtar këmbehej me 131.26 lekë në mars dhe 129.27 lekë në prill, shkruan revista Monitor.

a.s/dita

May 30, 2018 13:29
Komento

3 Komente

  1. J May 30, 14:29

    Leku nuk njihet në asnjë treg botëror. Edhe kursi i kembimit të tij nuk ka asnje basë financiare. Provoni të blini lekë në ndonjë piace financiare dhe degjoni çfarë do tju thonë.

    Reply to this comment
  2. Arben May 30, 16:41

    Floriri eshte para

    Reply to this comment
  3. Vito Kermilli, shoku i Nikos May 30, 18:30

    hahahahahhahahahahahaha Ornela Liperi e Varuzhanit thote :
    Ekspertët e tregut valutor pohojnë se një tjetër faktor që kanë konstatuar është tendenca për të konvertuar kursimet nga euro në lekë, teksa kanë frikë se euro do të vazhdojë të zhvlerësohet.
    hahahahahahahahahahahahaha
    Ne çdo paragraf thote : Sipas ekspertëve të këmbimit valutor, pak me poshte Sipas ekspertëve arsyeja kryesore., me tej akoma : Ndërkohë aktorët kryesorë të tregut thonë
    Dhe shikoni perlet e lajmit : Në dobësimin e euros gjatë verës do të ndikojnë flukset e turistëve nga Kosova, pas përfundimit të Muajit të Ramazanit dhe ardhjet e emigrantëve gjatë muajit gusht.
    hahahahahahaha
    Ornela Balliu e Monitor 55-s eksperte e tregut

    Reply to this comment
Shiko komentet

Komento

Your e-mail address will not be published.
Required fields are marked*