Vargjet e Arben Dukës

November 25, 2012 12:00

Vargjet e Arben Dukës

Dhe bota le të përmbyset,
por të vihet drejtësia

Kur dëgjoj kryeministrin
Sikur dëgjoj Nastradinin
Sidomos kur thotë se Fieri
Lidhje s’ka me integrimin

Si gjithmonë dhe kësaj here
Ja fut kot more xhaxha
Se çdo gjë që ndodh këtu
Domosdo që lidhje ka

Lidhje ka me integrimin
Gjith’sa ndodh në këtë shtet
Ti e quan sakrificë
Po të ketë normalitet

Drejtësinë që na mungon
Ti e quan akt normal
Sepse ti dhe kë ke pas
Drejtësinë e bëtë skandal

Lidhje ka nivel’i jetës
I fshatarit, i punëtorit
Nga e drejta për t’jetuar
Tek e drejtë e autorit

Të drejtën e autorit
S’e përmenda kot për rimë
Por këtu në shtet të horrit
Dhe mbi të po bëjnë kërdinë

Ti më thuaj o shef i shtetit
Veç një gjë që po shkon mbarë
Edhe unë faqe miletit
Do var veten në litarë

Shteti yt është në konflikt
Me pronarët, ish-pronarët
Me mësues e ushtarakë
Gati me të gjithë shqiptarët

Pensionistët, veteranët
As ushqimin s’kanë përditë
Këtu pallë bëjnë veç rrufjanët
Që rrinë tek oborri yt

Këtu gjithë me vete flasin
Ti s’mbaron me të bërtitur
Njerëzit i ka lodh’ e keqja
S’kanë vullnet më për tu ngritur

Po qe se BE pranon
Me të tilla parametra
S’është çudi që na sundon
Veç e zeza dhe e vjetra

Sequija i BE-së
Se kuptoj se ç’bën këtu
Bën raporte,  nis raporte
Duke shkruar kuturu

Dëgjo edhe ti, doktor
një nga këshillat e mia
Edhe bota të përmbyset
Por të vihet Drejtësia

November 25, 2012 12:00
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*