Vargjet e Arben Dukës

December 23, 2012 12:20

Vargjet e Arben Dukës

Bëjm’ hidrocentrale
Me dritë… virtuale!

Emri ka Françesko
Mbiemrin Beketi
Nuk e dimë akoma
Nanua ku e gjeti?!

E nxorri nga mënga
Porsi asin maç
E shpuri në Vjosë
Dhe në Kalivaç

Shiritin e prenë
Nano e Beket
Se Nanua do bëhej
Aty deputet

Nanua ka dy shekuj
që është harruar
Ndaj për Kalivaçin
Njeri s’është kujtuar

As Sali Berisha
S’e ka zënë me gojë
Kur “superfuqi”
Vendin prezantojë

Jo në çdo drejtim
Më kupto or mik
Vetëm me prodhimet
“në Energjitikë”

Kalivaçi mbeti
Një mashtrim zgjedhor
Ndaj nuk thamë më kot
Mashtrim shekullor

Krejt më ka habitur
Ky veprim i hershëm
sepse Nanua njihet
si ”zotni i ndershëm” 🙂

Dhe këtë binom
E plotëson Beketi
Që u dogj për vete
Të bëj dritë i shkreti

“Unë – thotë Beketi
Aty punën sosa
Po hidrocentralin
Ma rrëmbeu Vjosa…

…pamvarësisht se ndodhi
kjo ngjarje tragjike
aty prapë prodhohet
dritë elektrike”!

Le të thonë të gjithë
Nuk ka dritë në male
Kjo dritë e Beketit
Është… virtuale!

Është virtuale
Njeri s’e shikon
S’e kupton as Frroku
Që nuk po Agon

Bën reklamë Beketi
Te Frroku përditë:
“Ne këtu prodhojmë
Energji dhe dritë”

Po mor po, “prodhohet”
Por veç në gazetë
Se në Kalivaç
S’ka dritë të vërtetë

O zotni Beket
Shko njëherë atje
Dhe s’ke për të gjetur
As dhe një hale!

December 23, 2012 12:20
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*