Vargjet e Arben Dukës

December 24, 2012 08:51

Vargjet e Arben Dukës

Një thirrje për dashuri

Lindi Krishti, lindi Krishti,
U deha nga frymëzimi,
Lindi Krishti-Jezu Krishti,
Lindi shpresa dhe besimi!

Lindi Krishti-Jezu Krishti,
Nga e Zotit dashuri,
Lindi Krishti-Jezu Krishti,
Dhe këtu në Shqipëri!

Dashuri, besim dhe shpresë,
Shtyllat e jetës të tria,
Më e madhja nga këto,
Domosdo është dashuria!

Lindi Krishti-Jezu Krishti,
Dhe këtu në Shqipëri,
Ditë e madhe e bekuar,
Bën thirrje për dashuri!

Lindi Krishti-Jezu Krishti,
Në borë çelën manushaqe,
Ditë e madhe e bekuar,
Na bën thirrje dhe për paqe!

Lindi Krishti-Jezu Krishti,
Që shëron çdo të sëmurë,
Ai që pushtoi planetin,
Ai që s’do vdesi kurrë!

Kur lind Krishti-Jezu Krishti,
Na rilind e gjithë jeta,
Lindi Krishti-Jezu Krishti,
Mirësia e vërteta!

Lindi Krishti-Jezu Krishti,
Tek kjo ditë veten e gjetëm,
Janë mbledhur gjithë mrekullitë,
Veç tek një njeri i vetëm!

Lindi Krishti-Jezu Krishti,
Më e madhja dashuri,
Në këtë ditë bekuar,
Rilindëm dhe unë e ti!

Lindi Krishti-Jezu Krishti ,
Me një frymë e shkrova vjershën,
Për Birin e Perëndisë,
Bariun tonë të përjetshëm!

December 24, 2012 08:51
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*