Vargjet e Arben Dukës

December 27, 2012 10:48

Vargjet e Arben Dukës

Epigrame

Shumë ndodhi në këtë jetë,
Nga ty s’varen o njeri,
Po të jesh me dinjitet,
Kjo varet vetëm nga ti!

Mund të jesh në këtë jetë,
Profet dhe gjeni,
S’je asgjë në të vërtetë,
Po s’ishe njeri!

Ti je i pasur sa zoti,
Mendon si ty s’ka më mirë,
Po je njeri kot së koti,
Se shpirtin e ke shkretëtirë!

E hodhën në kosh të plehut,
T’i merrnin nderin të mirit,
Po ai kosh i shëmtuar,
Mori vlerën e floririt!

Jetoje çdo ditë,
Ëndërro çdo natë,
Jeta është e shkurtër,
Vdekja është e gjatë!

Më përflet pa reshtur,
Po unë hiç s’të ngas,
Sepse me varre,
Mizën s’e godas!

E keqja është si djalli,
Kur ngjitet e fryhet në fron,
Po sado ajo të na talli,
Në fund e mira fiton!

Kur bën një të mirë o njeri,
Shkruaje në rërë-jo në kartë,
Por po t’u bë e mira ty,
Gdhende në shkëmbin e lartë!

Po ratë si lisi në tokë,
Ta dini se kaq e patët,
Se në atë lis o shokë,
Bëjnë dru edhe sakatët!

December 27, 2012 10:48
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*