Vargjet e Arben Dukës

December 28, 2012 11:46

Vargjet e Arben Dukës

Një borgjez nga Viçidoli

Nga dita në ditë,
Po na shtohen hallet,
Me njerzit e ndershëm,
Korrupsioni tallet!

“Pasuria” shtron,
Veç dreka e darka,
Ti rri numëron,
Dhe njëzetë qindarka!

Disa kohë më parë,
Këtu e kam shkruar,
Se jo çdo i pasur,
Është i korruptuar!

Po janë kusarët,
Mostrat e një klike,
Ata që përlanë,
Krejt pronën publike!

Rreth e rreth pushtetit,
Që të gjithë janë,
Për pasuri shitën,
Nënën dhe babanë!

Ata që akoma,
Numërojnë me gishta,
Miliona lekë,
U duken si bishta!

Nuk kanë të ngopur,
Ndaj u thonë vampirë,
Ndaj dhe nga pushteti,
S’ikin me dëshirë!

Gjer tek hundë e tyre,
Më tutje s’shikojnë,
Gjersa Shqipërinë,
Fare ta shkretojnë!

Asnjëherë s’të ngop,
Parja dhe pushteti,
Edhe thonë: “Pas nesh,
U bëftë kijameti!”

Borgjezi e Salës,
Tek ne s’ka traditë,
Se u bënë të tillë,
Vetëm për një ditë!

Aq sa do një pulë,
Për të bërë vezë,
Pasuritë vihen,
Nga brezi në brez!

Një borgjez i thekur,
Dhe Sala na doli?!
O do jesh borgjez,
O nga Viçidoli!

Kur në kucur druri,
Kokën ke mbështetur,
Kucuri në kokë,
Për jetë të ka mbetur!

December 28, 2012 11:46
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*