VARGJET: Si mesazhet e Njaziut!

Arben Duka June 14, 2015 00:10

VARGJET: Si mesazhet e Njaziut!

Ende s’u harrua,

fiks si sot dy vjet,

kur u kërcënua,

Njaziu me jetë!

 

Tri herë kam shkruar,

por e humba bastin,

se nuk kam mësuar,

gjë për Kosovrastin!

 

Gjithë kjo kohë kaloi,

s’u prek ai burrë,

kush e kërcënoi,

s’e mësuam kurrë!

 

Dy atentatorët,

Njazua s’i tregon,

ndaj dhe unë arrita,

në një konkluzion!

 

Në një konkluzion,

meqë erdhi rasti,

Njazos i ka shkruar,

Njazi Kosovrasti!

 

Njaziu-Njaziut,

me nge i ka shkruar,

dhe veten e vet,

e ka kërcënuar!

 

Përfundimi im,

ka mbetur në letër,

se prokuroria,

nuk dha variant tjetër!

 

Pa kuptuar fare,

kaluan dy vitet,

dhe ngjarje e Njaziut,

sërish përsëritet!

 

Përsëri mesazhet,

dolën në bodec,

jo më në Tiranë,

por në Pogradec.

 

Mesazhi i sivjetmë,

nuk kishte të shara,

po vetëm një urdhër:

“Tërhiqu nga gara!”

 

Tërhiqu nga gara,

edhe mos e zgjat,

dhe për t’u tërhequr,

ke tri ditë afat!

 

Kaluan tri ditë,

dhe katër-dhe pesë,

po në Pogradec,

s’ndodhi gjë për besë!

 

Kandidati blu,

në garë ka mbetur,

dhe atentatori,

akoma s’është gjetur!

 

Sivjet nuk nxitohem,

shumë kohë s’ka kaluar,

nuk them-si Njaziu,

vetes i ka shkruar!

 

Nuk themi dot ende,

është një truk dhe pikë,

por them-kandidati,

nuk është në rrezik!

 

Po mund të arrijmë,

në një konkluzion:

“Ai që të vret,

nuk të lajmëron!”

 

Me këto teknika,

një gjë dihet mirë,

ta gjesh kërcënuesin,

nuk është e vështirë!

 

Duhet të gjendet,

një orë e përpara,

që sërish mos themi,

ishin ca shakara!

 

Ishte një shaka,

po shaka e gjorë,

që e bën PD-ja,

gjithnjë në Qershor!

 

Akoma s’është zbardhur,

i ziu-Njazi,

po këtë të sotmin,

dua që ta di!

Arben Duka June 14, 2015 00:10
Komento

2 Komente

  1. J June 14, 08:54

    Ben’ si s’u merzite,
    Lajmet sa degjon,
    Penden n’boj’ e ngjyen.
    Bejten e prodhon!

    Jo se s’ke te drejte
    Te besh kete pune,
    Por s’ja vlen te merresh,
    Me keta tutkune!

    Se politikanet,
    Dhe kur flasin bukur,
    Po ta morren voten,
    Dije: ta kan’ futur!

    Ti ke shkruar bukur,
    Dikur poezi,
    Kur shpirtin e kishe,
    Mbushur dashuri!

    Kete gje provoje,
    Kjo te mban ne jete,
    Te te thon te tjeret,
    Poet i vertete!

    Reply to this comment
  2. balatok June 14, 21:16

    Cfare halli kane qe duan ta largojne Duken nga “Hosteni”?

    Reply to this comment
Shiko komentet

Komento

Your e-mail address will not be published.
Required fields are marked*

Njoftim

Njoftim

Njoftim