Varrezat murale, të parët që interesohen janë emigrantët

October 16, 2018 18:12

Varrezat murale, të parët që interesohen janë emigrantët

Çdo vit në Tiranë ndërrojnë jetë 3300 persona. Kjo ka bërë që dy vend-varrimet më të mëdha, në Sharrë dhe Tufinë të zgjerohen. Bashkia se fundmi ka ndërtuar varrezat e para murale. Të parët që u vendosën aty janë eshtrat e ushtarëve italianë të vrarë gjatë luftërave, ndërsa do vijohet me varret e vjetra dhe të braktisura ndërsa të interesuar më së shumti janë emigrantët.

Gjatë dy javëve të fundit në varrezat e Sharrës në kryeqytet janë realizuar 75 zhvendosje eshtrash të qytetarëve italiane nga nëntoka drejt posteve të kësaj varreze murale.

Procedura e zhvarrosjes ka nisur në bazë të ligjit 9220 të vitit 2004 që thotë se mund të zhvarrosen trup që kanë 15 vjet në varr. Në varrezat e Sharrës prehen 55 mijë njerëz. Gati kaq prehen edhe ne varrezat e Tufinës në kryeqytet.

“Në një vit në Bashkinë e Tiranës ndërrojnë jetë gati 3300 persona, me një mesatare prej 9 vdekjesh në ditë. Tokë ka absolutisht, por ne nuk mund t’u ngjitemi maleve dhe kodrave pafund”, ka deklaruar Raimonda Shino, drejtoreshë e Agjensisë së Shërbimit Funeral të Tiranës.

Varreza murale ka 438 poste gjithsej dhe është ndërtuar sipas praktikave të vendeve të zhvilluara. Pranë agjencisë së funeraleve kane shprehur interes kryesisht emigrante per te vendosur eshtrat e te pareve te tyre. Se shpejti do te vendoset ne efiçencë muralja e Tufinës me 700 varreza të vjetra të identifikuara tashmë.

Bashkia e Tiranës është e vetëdijshme për mentalitetin dhe kodin moral dhe fetar që ekziston në vend, ndaj ka nisur me varret e vjetra dhe të braktisura.

“Shumë mirë e sistemuar. Unë jetoj në Nisë të Francës dhe nuk ka asnjë ndryshim kjo varreze murale. Unë do t’i sistemoja prindërit e mi këtu”, është shprehur një qytetare.

v.l/ Dita

October 16, 2018 18:12
Komento

2 Komente

  1. Adih October 16, 20:21

    Mos u lodhni kot ,dhe mos genjeni ,qe emigrantet jane dakort ,o te pa skrupullt . Qe te gjithe emigrandet ,me qe po i permendeni ju e dine shume mire ,se ne shtetet perendimore ka varre edhe 150 e 200 vjecare dhe nuk behet fjale per vorreza lurale , qe beni mire ta shqiperoni kete fjele ,dhe mos genjeni o te pa cipe ,me emrin e emigrandeve . . Provojeni nje here ,se do fluturoheni nga populli ,ne votime e zgjedhjet e ardhshme .. ..

    Reply to this comment
  2. Niku October 16, 22:10

    “Nuk mund ti ngjitemi maleve dhe kodrave pa fund” thote kjo drejtoreshe! Me mire nje varr qe nuk leviz ne koder ose mal se sa nje arke me eshtra qe I mbushet mendja ndonjerit dhe fluturon ne kanal. Apo skeni njerez te cikatur ne Shqiperi, qe mund ta beje edhe per tu argetuar. Paskeni gjetur nje emigrant qe ka mendimin per varrezat murale dhe e pergjithsoni! Une do te jem gjithmone kundra kesaj. Drejtoresha le te vendoset vete kur ti vije koha e saj.

    Reply to this comment
Shiko komentet

Komento

Your e-mail address will not be published.
Required fields are marked*

Njoftim

Njoftim

Njoftim