Vasili: Zero tolerancë hajdutërisë dhe kriminalitetit shtetëror!

Nga Arkiva

• Kur politika zbret në stadium dhe anasjelltas (një konstatim mbi De Biazin italian dhe atë shqiptar) 17 10.Oct
• Kosova, ja tri masat që pritet të merren kundër Serbisë 5 09.Dec
• Ministria e Bujqësisë bllokon shpalljen e Porto Palermos si zonë e mbrojtur 2 13.Feb

Kreu i grupit parlamentar të LSI-së, Petrit Vesili ka deklaruar pas mbledhjes së grupit parlamentar se  nuk do të ketë më tolerancë ndaj hajdutërisë dhe kriminalitetit shtetëror.

Ai tha se zyrtarët po e përdorin “poshtërsisht” realitetin e pandëshkueshmërisë.

Vasili shtoi se Shqipëria po përballet momentalisht me një situatë kriminaliteti që rezulton të jetë ndër më të rëndat në vend.

“Shkodra po përballet në mënyrë të përditshme me krime të njëpasnjëshme, njëri më i rëndë se tjetri. Krime që kanë nxjerrë në pah një shtet që e ka të pamundur të veprojë. I ka duart e lidhura sepse ka qenë përdorues dhe ka qenë njësh me kriminelët në të gjithë situatat e qeverisjes apo në zgjedhje. Për këtë arsye janë kriminelët që diktojnë dhe në komisariatet e Shkodrës, dhe nuk është më shteti. Kjo situatë kriminale ka diktuar dhe një rrënim ekonomik të pandalshëm”, vijoi më tutje kreu i grupit parlamentar të LSI-së.

s.a/dita