Veliaj dëgjesë me artistët: Do të çlirojmë hapësirat publike për t’ia kthyer artit dhe kulturës së qytetit

May 18, 2015 11:41

Veliaj dëgjesë me artistët: Do të çlirojmë hapësirat publike për t’ia kthyer artit dhe kulturës së qytetit

Do të çlirojmë hapësirat e zëna publike për t’ia dhënë artit dhe kulturës së Tiranës. Kështu tha sot Erion Veliaj, kandidat i së majtës për Bashkinë e Tiranës, në dëgjesën me artistët. Ai tha se arti nuk duhet të jetë një vend ku punësohen militantët e partisë, por nga ana tjetër edhe biznesi duhet të kontribuojë për zhvillimin e tij.

 “Disa institucione që sot janë bërë insitutcione të qeverisë qendrore, siç është Cirku i Tiranës apo Teatri Kukullave, duhet t’i kthehen bashkisë. Disa hapësira që burojnë art dhe që financojnë art, në nivel lokal, duhet të kthehen si kompetenca të bashkisë. Arsyeja që kanë shkuar tek qeveria qendrore është sepse kanë dështuar si sipërmarrje bashkiake, por duhet të rikthehen aty ku kanë vendin”, u shpreh Veliaj.

 Sipas Veliajt, arti nuk duhet të përqendrohet vetëm në qendër të qytetit, por edhe në zonat periferike të Tiranës. “Do të çlirojmë hapësirat publike, të zëna ose të dhëna nga bashkia te privatët, do ta largojmë Bashkinë e Tiranës nga roli për promovuar kafe dhe strip-klube”, tha ai.

 “Unë nuk shoh asnjë arsye pse Teatri i Metropolit duhet të vazhdojë të jetë stacion autobusësh, ku tre të tillë zbrazen përpara derës së tij dhe çdo kalimtar nuk kupton që aty ka një teatër sepse në thelb është një stacion autobusi 99% të kohës dhe jo një teatër”, tha Veliaj.

 Nga ana tjetër, ai deklaroi se në bashkinë e Tiranës është harxhuar vetëm 4% e buxhetit për artin e kulturën. “Nuk janë të aftë të harxhojnë dhe atë që kanë”, u shpreh Veliaj.

May 18, 2015 11:41
Komento

1 Koment

  1. Pëllumb zaimi May 19, 00:52

    Mirë bën mor z. Veliaj që takoheni me artistët dhe dëgjoni problematikën e tyre por, kini prishur disi radhën dhe rëndësinë e potencialeve votuese? Jemi shumë më tepër ne ushtarakët! Jemi gati-gati komuniteti i dytë në burime njerëzore, pas tregëtarëve (siç) ! Nejse mos e prishni radhën? Na lini të fundit në takimet tuaja! Si gjithmonë! Lamë disiplinën ushtarake por do të mësohemi dhe me disiplinën e votimeve në plan të parë dhe të ushtarakëve në plan të dytë,tê tretë ose të trembëdhjetë? Jemi të disiplinuar ne! Madje edhe kur ju pirdhni ne marim qëndrim “gatitu”! Tung!

    Reply to this comment
Shiko komentet

Komento

Your e-mail address will not be published.
Required fields are marked*

Njoftim

Njoftim