Veliaj sfidon PD-Në: 0 lekë nga bashkia për koncertet e Ermali Metës dhe Rita Orës

June 7, 2018 12:25

Veliaj sfidon PD-Në: 0 lekë nga bashkia për koncertet e Ermali Metës dhe Rita Orës

 

Në mbledhjen e sotme të Këshillit Bashkiak, kryebashkiaku Erion Veliaj deklaroi se Bashkia e Tiranës nuk ka shpenzuar asnjë qindarkë nga buxheti i saj për të sjellë në Tiranë, këngëtarët me famë botërore, Rita Ora dhe Ermal Meta, të cilët perfomuan në sheshin “Skënderbej” duke dhuruar spektakël për banorët e kryeqytetit.

“Qershia mbi tortë ishin Rita Ora dhe Ermal Meta, dy histori suksesi shqiptare dhe një nga gjërat që më erdhi shumë keq është se pati një minorancë që mundohet të bëjë telendarin sa herë që ndodh diçka e bukur. A ka mundësi që disa gjëra të bukura ne vetëm ti lëmë të ndodhin edhe vetëm ti vlerësojmë. Dhe nëse nuk duam të falenderojmë bashkinë vetëm ta kyçim sepse disa gjëra thjesht nuk duhen atakosur me këtë ballkanizmin që ne helmojmë çdo lloj gjëje që prodhon një të mirë. Bashkia e Tiranës, thesari është online, ka harxhuar 0 lekë, 0 qindarka”, u shpreh Veliaj.

Kreu i Bashkisë tha se nëse Bashkia e Veronës pagoi për të pasur në koncert talentet shqiptarë të muzikës botërore, gjithçka në Tiranë është realizuar pa shpenzuar asnjë qindarkë.

“ A përdori Bashkia e Tiranës dhe autoritetet lidhjen me Ermalin, me Ritën që t’i sillnin dhe të ndërronin axhendën? Patjetër, çdo kryetar Bashkie do ta bënte. Por kur mendoj që Kryetari i Bashkisë që i priti të dy pas Tiranës, ishte bashkia jonë binjake e Veronës dhe shpenzoi miliona për t’i pasur, ne i patëm falas dhe i përgojuam. Ata i paguan me taksa dhe i falenderuan. A ka mundësi të bëheni i çik më të mirë? Të mos bëhemi telendarë. Unë jap dorëheqjen nga Bashkia, nëse Bashkia ka harxhuar lekë për këta artistë. Por do të isha super krenar dhe po të kishim shpenzuar diçka siç bëri miku im në Verona, që i lutet, ua shtron tapetin e kuq dhe paret në dorë. Unë jetoj me punën si kryetar bashkie, gazetarët me punën si gazetarë dhe Ermali me Ritën me punën si këngëtarë. Pa atë punë nuk hanë edhe ata bukë kështu që në këtë sens le të mos bëhemi qesharakë dhe ti japim këtë damë vendit tonë sa herë që ndodh diçka e mirë dhe diçka e bukur”, deklaroi Veliaj.
Jeta kulturore e artistike e kryeqytetit është transformuar tërësisht duke e kthyer Tiranën në një destinacion për turistët e huaj dhe vizitorët vendas. Nëse më parë numri i aktiviteteve të tilla ishte tepër i vogël, sot nuk ka ditë që në Tiranë të mos ketë aktivitete muzikore, shfaqje teatrale, panaire, gara sportive, etj.

l.h/ dita

June 7, 2018 12:25
Komento

4 Komente

  1. Fidel Kastro June 7, 14:03

    Si genjeshtar e mashtrues je ne vendin e pare , nuk te besojme. Te shpetoj dhe e the vete: Ata me ate pune jetojne.

    Reply to this comment
  2. Mark U.K June 7, 14:27

    Pse nuk tregon te verteten o Erjon.Ata u paguan nga pensioni i mamas tuaj.Mendoj se Verona ndtyshon pak me Tiranen o sheiku i Tiranes.

    Reply to this comment
  3. Arben June 7, 14:34

    Normale I pagoi ai qe morri ate

    Koncesionin DHE ja nxjerr 10-fish

    Popullit Shqipetar trim dhe heroik.

    Edhe njehere

    RROFTE POPULLI SHQIPETAR TRIM

    DHE HEROIK

    Me shoket Edver DHE lalidhjer ne krye

    Reply to this comment
  4. Lili June 7, 18:54

    Erion veliaj,
    Mjaft u talle me ne.as rita as ermal ,e kur jo musikantet e tyre nuk vine falas per syte e tu.
    Pra tregona kush ka paguar per bashkine e Tiranes,kush e ka financuar kete skene qe te kuptojme ku po na e fut mire…
    Kush e ka paguar koncertin e sa ka kushtuar ky koncert,fi me na treguar si kryetar i tiranes,di gje per sa kushton pastrimi i sheshit,policia atje ate nate etj etj..
    Mjaft me,mos mendo se shqiptaret jane idiotet e tukorrutioni i yt eshte ketu ne veprim,edhe korruptioni me te madhe bile,qe mundesojne keto koncete “falas”se dihet nga gjithe bota se komoanite qe veprojne ne Shqiperi jane ketu per “bamiresi e argjetim”te shqiptarave.
    Mjafton qe erion veliaj te urdheroje..apo jo?

    Reply to this comment
Shiko komentet

Komento

Your e-mail address will not be published.
Required fields are marked*