Vendi ku mund të keni një shtëpi për vetëm 1 euro

April 29, 2016 13:50

Vendi ku mund të keni një shtëpi për vetëm 1 euro

Kryetari i komunës Ollolai në zonën e Sardenjës në Itali, ka nxjerrë një vendim, sipas të cilit, shtëpitë e komunës shiten për një çmim simbolik me vetëm një euro. Ky është një vendim i marrë nga kryetari i komunës për shkak se kjo është një zonë që po boshatiset dita-ditës, pasi banorët po spostohen drejt zonave bregdetare.

Llogaritet që brenda vitit 2050, gjysma e komunave të Sardenjës do të jenë tërësisht të pabanuara, ndërsa në të gjithë ishullin do të jenë pak më shumë se një milion banorë.

Për të shmangur këtë braktisje, kryetari i komunës, Efisio Arbau, ka propozuar shitjen e banesave me vetëm 1 euro. Kësaj thirrjeje i është përgjigjur qytetari i parë. Ai është Vito Casula, 64 vjeç, nga Calasetta. I moshuari thotë se banesa e tij ndodhet në qendrën historike të qytetit, në një prej rrugëve kryesore, ku kalimtarët numërohen me gishtat e dorës.

Kryekomunari thotë se ky është hapi i parë i realizimit të projektit për të ripopulluar zonën. Ai shprehet dhe shumë shtëpi të tjera janë në pritje, pasi ish-pronarët ia kanë dhuruar komunës para se të largoheshin.

Komuna e Ollolait ka publikuar projektin “Shtëpi për një euro”, sipas të cili banesat në qendrën historike mund të blihen me këtë çmim simbolik nga qytetarët italianë apo të huaj, kompani apo biznese që kanë projekte sociale dhe që i shërbejnë nxitjes së turizmit.

April 29, 2016 13:50
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*