“Vëzhgimi i terroristëve të kthyer nga lufta”, zbardhet takimi i Xhafajt me zyrtarin amerikan

October 17, 2018 16:27

“Vëzhgimi i terroristëve të kthyer nga lufta”, zbardhet takimi i Xhafajt me zyrtarin amerikan

Ministri i Brendshëm Fatmir Xhafaj priti paraditen e sotme në një takim ambasadorin e posaçëm dhe Koordinatorin Kundër Terrorizmit në Departamentin Amerikan të Shtetit, Nathan A. Sales. Zyra e shtypit të ministrit ka zbardhur takimin e Xhafajt me zyrtarin e lartë të DASH.

Ministri i Brendshëm e ka njohur zyrtarin e lartë amerikan me strategjinë e palës shqiptare për të parandaluar ekstremizmin e dhunshëm, përmes një marrëdhënie të re të ndërtuar mes Policisë dhe Komunitetit.

Në fokus të punës mes dy vendeve janë, sipas njoftimit zyrtar, përveç të tjerash, edhe çështje të luftës kundër terrorizmit dhe ekstremizmit të dhunshëm, për të cilat është ndërtuar dhe funksionon një marrëdhënie shumë e mirë me partnerët amerikanë.

Koordinatori Sales tha se ‘terrorizmi si një sfidë globale kërkon përkushtim dhe përgjigje të bashkërenduar e globale’. Ai deklaroi se mes dy vendeve ka një marrëdhënie bashkëpunimi të ngushtë në vite, në fushën e zbatimit të ligjit dhe ndjekjeve penale, si dhe mbajtjen nën kontroll të elementëve të dyshuar si të përfshirë në luftëra në vende të treta, apo akte terrori.

Shqipëria pavarësisht se ka pasur një numër të ulët të luftëtarëve të huaj të përfshirë në konflikte jashtë vendit të vet, mbetet sipas përfaqësuesit të DASH, një partner tepër i rëndësishëm në rajon në këtë kuadër.

Gjithashtu në fokus të bisedës ishte menaxhimi dhe siguria e kufirit. Ministri prezantoi arritjet dhe nevojat, sa i takon rritjes së kapaciteteve teknologjike që kanë të bëjnë me mirë administrimin dhe përpunimin e informacionit, veçanërisht të atyre të përfshirë në veprimtari të paligjshme, nevojën për më shumë asistencë dhe trajnim të dedikuar në këtë fushë, prezantimin e sistemeve të reja dhe çështje të ndërveprimit mes tyre, e gjitha kjo në funksion të parandalimit, identifikimit të individëve me prirje ekstremiste dhe terroriste.

Xhafaj shtoi se kontributi i SHBA-ve ka qenë vendimtar në sukseset e arritura. Ndërsa Sales nënvizoi se bashkëpunimi me Shqipërinë në luftën kundër terrorizmit dhe ekstremizmit të dhunshëm do të shërbejë si një gur themeli për vijimin e kësaj marrëdhënie të ngushtë edhe në të ardhmen.

o.j/dita

October 17, 2018 16:27
Komento

4 Komente

  1. Seldi October 17, 21:49

    Kete jo vetem europianet e duan po dhe amerikanet. Kur punon te mbeshtesin

    Reply to this comment
  2. albi October 17, 21:50

    Policia ka filluar t ndryshoj dhe ne populli i thjeshte e kuptojm kur shohim tre here ne dite lajme qe arrestohen te fortet e lagjeve

    Reply to this comment
  3. berti October 17, 21:56

    Un se di per t tjeret po per mua ky eshte ministri me i mire. puno se dhe te huajt mesa po shohim i ke ne mbeshtetjee

    Reply to this comment
  4. Gesii October 17, 21:56

    Ore mesa po shoh un eshte nga te paktet ministra qe takon te huaj! Vazhdo detyren se sa me shume t te japin krah keta aq me shume pune e mire behet

    Reply to this comment
Shiko komentet

Komento

Your e-mail address will not be published.
Required fields are marked*