VIDEO / Interi kalon pengesën Roma dhe niset drejt titullit

October 31, 2015 22:54

VIDEO / Interi kalon pengesën Roma dhe niset drejt titullit

Përballja “e zjarrtë” mes Interit dhe Romës cilësohej si një sfidë me “aromë” titulli ndaj dhe në fund, triumfues dalin zikaltrit që për pak kohë do të mbajnë “spaletat” e kampionit.

Ndeshje e ekuilibruar, me ritëm, emocione, raste të pafund dhe nerva…por në fund fitues del Interi që triumfon në “San Siro” 1-0 falë golit të Medelit.

Roma është më afër golit në pjesën e parë, por Interi tregohet dinak, duke marrë avantazhin. Ekipi i Garsias vuan presionin, ndaj dhe nuk shfaqet i qetë në finalizimin e rasteve, të cilat nuk kanë munguar.

E gjendur në disavantazh, Roma shton presionin në pjesën e dytë, por sërish shpërdoron raste “të arta” që me pak fat mund edhe t’i jepnin tripikët në përballjen e kreut. Inter zgjedh të ruajë avantazhin, ndaj dhe në pjesën e dytë rastet janë me “pikatore”.

Bilbili i fundit ul “perden” e ndeshjes më të bukur të javës së 11-të të Serisë A, e cila me meritë të plotë fitohet nga Interi, pasi Roma këtë radhë ka rënë “viktimë” e presionit. Madje, verdhekuqtë e mbyllin me 10 lojtarë, pasi Pjaniç ka bërë “të fortin” duke u dënuar me të kuq.

 

October 31, 2015 22:54
Komento

1 Koment

  1. veprat nuk jane fjale November 1, 15:10

    nje inter me dinjitet qe mban vulen made in MACINI,i palodhur,i sakte, me intuite qe po e sjell kete ekip ne eliten italiane, dikur pjese e saj

    Reply to this comment
Shiko komentet

Komento

Your e-mail address will not be published.
Required fields are marked*