Vjen në Shqipëri avioni i Guardia di Finanza, nis monitorimi për kanabisin

April 16, 2018 15:24

Vjen në Shqipëri avioni i Guardia di Finanza, nis monitorimi për kanabisin

Guardia di Finanza ka nisur për të 8-in vit radhazi monitorimin nga ajri për të zbuluar nëse ka parcela me kanabis në Shqipëri. Avioni i Guardia di Finanza ka mbërritur sot në Aeroportin e Rinasit dhe do të monitorojë nga ajri pjesën më të madhe të territorit të Shqipërisë, në ato që mbahen si zona me risk për t’u kultivuar kanabis.  Bashkë me avionin e Guardia Di Finanza të pajisur me kamera speciale për filmime nga lartësi të mëdha, në Shqipëri kanë ardhur edhe disa oficerë të kësaj njësie, të cilët bashkë me Policinë Shqiptare do të monitorojnë nga ajri zonat e thella.

Në pamjet e siguruara nga Report TV dallohet edhe një furgon i Policisë Shqiptare, i cili pret në Rinas oficerët e Guardia di Finanza. Këtë vit Guardia Di Finanza do të monitorojë një hapësirë më të madhe të territorit shqiptar si dhe do të ketë më shumë orë filmime nga ajri për zbuluar çdo parcelë me kanabis.

Në monitorim do të jenë të gjitha zonat ku 5 vitet e fundit është kultivuar kanabis, por edhe disa zona të thella, ku Policia e ka të vështirë t’i vëzhgojë nga toka. Avioni i Guardia Di Finanza do të qëndrojë në Shqipëri për më shumë se 5 muaj, i cili nis monitorimet muajin prill dhe vijon gjatë gjithë verës, atëherë kur bima e kanabisit rritet dhe është me e thjeshtë për tu dalluar nga ajri.

Një vit më parë avioni i Guardia di Finanza zbuloi 90 parcela me kanabis, ndërkohë që në vitin 2016 zbuloi 2086 parcela. Raporti i 2017-së i Guardia di Finanza, tregoi se ishte ulur në mënyrë drastike kultivimi i kanabisit në Shqipëri.

o.j/dita

April 16, 2018 15:24
Komento

3 Komente

  1. Stuhija April 16, 15:48

    Po mire qe do na monitorjone ne po ata kush do i monitoroje. Mafja e tyre eshte kudo kush e monitoron kete????

    Reply to this comment
  2. Janulles, me sqepar kokes.... April 17, 02:31

    Ja edhe pak dhe erdhi vera. Monitoroni me mire kush dhitet ne det dhe kush hedh llokmat e shalqinit nga ballkoni.

    Reply to this comment
Shiko komentet

Komento

Your e-mail address will not be published.
Required fields are marked*