Osmani i thotë ‘PO’ Kurtit, LVV dhe LDK do formojnë qeverinë

October 9, 2019 13:54

Osmani i thotë ‘PO’ Kurtit, LVV dhe LDK do formojnë qeverinë

Kandidatja e LDK i është përgjigjur pozitivisht kërkesës së Albin Kurtit për koalicion mes dy partive.

Në një postim në Facebook ajo shprehet se qeverinë e re duhet ta krijojnë dy partitë që deri dje ishin në opozitë dhe se ata do të kenë shumë sfida përpara që duhet ti përballojnë.

Deklarata e plotë e Osmanit

Të dashur qytetarë të vendit tim,

Këtë vjeshtë janë mbushur plot 20 vjet që jam bërë anëtare e LDK-së dhe gati po aq që kam shërbyer në institucionet e Kosovës. Ka qenë rrugë jo e lehtë, plot pengesa e sfida, sikur për shumë të rinj e të reja në vendin tonë. Deri tani, ishte një rrugëtim i jashtëzakonshëm, përgjatë të cilit kam takuar mijëra gra e burra, vajza e djem, qytetarë të mirë të këtij vendi që më kanë mbushur plot shpresë për të ardhmen. I falënderoj miliona herë, nga thellësia e zemrës, të gjithë që na përkrahën e besuan në ne, si dhe të gjithë aktivistët e veprimtarët që kurrë nuk reshtën së punuari me vetëmohim. Arritëm që të gjithë së bashku, por për një kohë tejet të shkurtë prej vetëm një muaji, ta ringrisim LDK-në në një rezultat që nuk e kishte nga viti 2004. Por, na mbetet edhe shumë punë për të bërë, edhe shumë sfida për të kaluar, e ato mund t’i kalojmë vetëm së bashku.

Më në fund, qytetarët, jo vetëm që votuan, por, ajo votë ishte thirrje për ndryshim e ndëshkim ndaj qeverisjes së keqe. Qytetarët, po ashtu, përcaktuan qeverinë e re, e cila duhet të përbëhet nga opozita e deridjeshme. Për mua nuk ka asnjë alternativë tjetër. Koalicioni LDK-VV ka shumë sfida para vetes, por duhet ta ketë vetëm një interes: atë të qytetarëve të Kosovës.

Unë do të punoj dhe do t’i shërbej vendit tim, pavarësisht se ku jam.

Ashtu siç e kam thënë gjithnjë: në secilën betejë, do të jemi së bashku, deri në fund!

E juaja,
Vjosa

October 9, 2019 13:54
Komento

7 Komente

  1. Vatra October 9, 14:47

    A lind mace han minj thot populli edhe kjo si brezat e vjetër Ldk kur është fjala për përfitime materiale dhe karieriste asnjëherë nuk thonë jo ruana zot pushetit të vetmës që i kanë thanë JO ishte rrëmbimi i arrmëve për çlirim e tokave shqipëtare nga sllavët të tjerat egal

    Reply to this comment
  2. Arben October 9, 15:39

    LDK KA KRYETAR, AI THOTE FJALEN E FUNDIT.

    TE SHOHIM, USA E KA INSTRUKTUAR TE

    VENDOSE KUSHTE PER ALBININ, TE TILLA QE TE

    MINOJNE PREMTIMET ELEKTORALE TE

    VETEVENDOSJE.

    DO SHOHIM CFARE PEME ESHTE ALBINI

    Reply to this comment
  3. mirel October 9, 15:42

    Vendimi me i drejte. Urojme te formohet sa me shpejt qeveria me Albinin Kryeminister. Per inat te Ramutit, sa per fillim, fillim te mbarimit te Ramutit
    Shqiptaret duhet te nxjerrin Albinin e tyre.

    Reply to this comment
  4. Monika , neperka pika - pika October 9, 17:52

    Drejt flet ti anticensure , por @mire e ka majasellin ne goje dhe , si gjithenje , nuk ka mundesi te prese !

    Reply to this comment
Shiko komentet

Komento

Your e-mail address will not be published.
Required fields are marked*