Vranë bashkëkombasin, shtyhet gjyqi për shqiptarët në Itali

June 22, 2016 19:47

Vranë bashkëkombasin, shtyhet gjyqi për shqiptarët në Itali

Gjykata e Urbinos, në Itali, ka shtyrë gjykimin ndaj dy shqiptarëve Igli Meta dhe Marjo Mema, të akuzuar për vrasje me paramendim në rrethana të rënda të bashkëkombasit Ismail Luli.

17-vjeçari Luli u gjet me fytin e prerë në fshatin Sant Anxhelo, në Pezaro Urbino vitin e kaluar.

Për dy të rinjtë, Meta, i konsideruar si vrasësi material dhe Mema, i akuzuar për bashkëpunim, procesi me gjykim të zakonshëm do të nisë më 13 korrikun e ardhshëm në Pezaro.

Prokurorja Irene Lilliu ka depozituar një kontroll mjeko-ligjor, që cilëson 21-vjeçarin Meta si autorin e vetëm material të vrasjes.

Faktikisht, menjëherë pas arrestimit ai kishte pranuar se kishte vrarë Ismail Lulin, ndërsa Mema kishte parë nga larg pa mundur të bënte gjë.

Motiv i vrasjes kishte qenë xhelozia për një vajzë, edhe ajo shqiptare nga maqedonia.

June 22, 2016 19:47
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*