“Vrasja e dytë”, policia jep detaje: Pse e ndaluam dhe sa para i gjetëm gjyqtarit

November 10, 2017 11:15

“Vrasja e dytë”, policia jep detaje: Pse e ndaluam dhe sa para i gjetëm gjyqtarit

 

Policia e Shtetit ka dhënë detaje në lidhje me ndalimin e gjyqtarit Shkëlqim Miri.

Sipas deklaratës, Miri u ndalua në kuadër të operacionit “Një vrasje e dytë”.

Miri akuzohet për korrupsion aktiv. Policia ka sqaruar edhe shumën e gjetur në banesën e tij: 174,810 euro; 10,149,000 lekë dhe 1,000 dollarë.

DEKLARATA

Në datë 9 nëntor 2017, rreth orës 23:30, Sektori për Hetimin e Korrupsionin në Drejtorinë për Hetimin e Krimit Ekonomik e Financiar, në bashkëpunim dhe nën drejtimin e Prokurorisë së Shkallës së Parë për Krimet e Rënda, finalizoi me sukses operacionin policor të koduar “Një vrasje e dytë”.

Në këtë operacion u ndalua shtetasi Shkëlqim Miri, 46 vjeç, me detyrë gjyqtar pranë Gjykatës së Apelit Tiranë.

Ndalimi i tij u krye në funksion të procedimit penal proaktiv të vitit 2017, për veprat penale të “Korrupsionit aktiv të gjyqtarit, prokurorit dhe funksionarëve të tjerë të drejtësisë”, “Korrupsionit pasiv të gjyqtarëve, prokurorëve dhe funksionarëve të tjerë të organeve të drejtësisë”.

Grupi hetimor kishte krijuar dyshime të arsyeshme të bazuara në prova, për favorizim e një të dënuari për veprën penale të vrasjes me dashje dhe armëmbajtje pa leje, kundrejt kërkimit dhe marrjes së përfitimeve monetare të paligjshme.

Gjykata e Rrethit Gjyqësor të Shkallës së Parë e ka deklaruar fajtor autorin dhe dënuar me 20 vjet burgim. Në Gjykatën e Apelit Tiranë është ndryshuar klasifikimi i veprës penale nga “Vrasje me dashje” në “Plagosje e rëndë” dhe aktualisht autori është liruar nga burgu.

Në këtë operacion, në bazë të dyshimeve të bazuara në provat e siguruara gjatë hetimit pro-aktiv, ka rezultuar dhe janë dokumentuar një sërë veprimesh dhe lidhjesh të dyshimta që për marrjen e këtij vendimi, gjyqtari Miri ka marrë një sasi të konsiderueshme parash.

Në kontrollin e banesës me vendim të Gjykatës së Shkallës së Parë për Krimet e Rënda, të kryer nga strukturat e Hetimit të Korrupsinit në Policinë e Shtetit, u gjetën dhe u sekuestruan në cilësinë e provës materiale 174,810 euro; 10,149,000 lekë dhe 1,000 dollarë.

Hetimet po vazhdojnë për të zbuluar nëse ka persona të tjerë të implikuar në këtë veprimtari kundra-ligjore.

November 10, 2017 11:15
Komento

3 Komente

  1. Vicens November 10, 12:35

    Rrofte ambassadoret !

    Reply to this comment
  2. teni November 10, 19:01

    Une jam i mendimit qe autori i vrasjes te fitoje lirine dhe 20 vitet e burgut ti jepen ketij trimoshi qe kush e di se sa vendime te jashteligjeshme ka marr!Burgu per burra eshte o Shkelqim!

    Reply to this comment
  3. Arben November 11, 08:02

    LITARI LITARI LITARI LITARI LITARI LITARI

    Reply to this comment
Shiko komentet

Komento

Your e-mail address will not be published.
Required fields are marked*

Njoftim

Njoftim

Njoftim