“Ke folur për ato lekët?”, zbulohen mesazhet e vrasësve të Kurtit

March 27, 2019 11:40

“Ke folur për ato lekët?”, zbulohen mesazhet e vrasësve të Kurtit

Janë zbardhur detaje të reja nga plani i thurur i të arrestuarve për vrasjen e Jurgen Kurtit me 18 mars në rrugën ‘Zef Jubani’, Tiranë.

Sipas BalkanWeb” makina me të cilën kanë lëvizur atentatorët ka qenë  tip “Benz” ngjyrë gri dhe është në pronësi të personit të shpallur në kërkim. Ajo rezulton me dokumentacion të rregullt e regjistruar në Fier.

Për të shkuar tek të arrestuarit policia ka grumbulluar mbi 50 kamera sigurie nga liqeni deri tek ‘Pallati me Shigjeta’, nga ku ka zbuluar 4 të rinjtë dhe lidhjen mes tyre.

Në drejtim te mjetit ka qenë i shpalluri në kërkim ndërsa pranë banesës së Kurtit dhe personi që e ndiqte në këmbë ka qenë 21-vjeçari, Elsi Leventi.

Edhe momentin e vrasjes 21-vjeçari ka qenë i pranishëm në zonë dhe dyshohet se ai ka njoftuar ekzekutorët për mbërritjen e Kurtit pranë pallatit.

Nga këqyrja e kamerave të sigurisë në zonë policia ka ndjekur lëvizjet e 21- vjeçarit dhe të makinës dhe është parë se pas atentatit ata janë takuar. Pas identifikimit të personave ata janë vënë në përgjim dhe janë arrestuar.

Arma, makina dhe sendet e tjera të sekuestruara nga policia janë gjetur ne banesën e Alesio Berberit.

Të 3 të arrestuarit kanë mbajtur qëndrim mohues para policisë dhe nuk kanë pranuar përfshirjen në këtë ngjarje. Ata rezultojnë të jenë me arsim 8 dhe 9-vjeçar dhe të papunë, çka rriten edhe më tej dyshimet për veprimtarinë e tyre.

Policia ende nuk ka një motiv për ngjarjen, i cili ka çuar në vrasjen e Jurgen Kurtit i njohur ndryshe si “Menaxheri i VIP-ve”.

Mësohet gjithashtu se gjatë kohës që ishin në përgjim mes njëri-tjetrit të rinjtë kanë folur për një shumë parash që do të merrnin për “punën” e kryer.

“Ke folur për ato lekët?”, “Kur do i marrim ato lekët?” Janë këto disa prej bisedave të përgjuara mes tyre.

 

b.b/dita

 

March 27, 2019 11:40
Komento

1 Koment

  1. Arti March 27, 16:29

    Cuba pa shkolle e pa fe!

    Reply to this comment
Shiko komentet

Komento

Your e-mail address will not be published.
Required fields are marked*

Sondazh

A ËSHTË EDI RAMA I MAJTË?

Shiko rezultatin