Xhafaj, letër punonjësve të policisë: Asnjë i korruptuar nuk do ketë vend në polici

October 2, 2017 09:45

Xhafaj, letër punonjësve të policisë: Asnjë i korruptuar nuk do ketë vend në polici

Ministri i Punëve të Brendshme u ka dërguar një letër të gjithë punonjësve të policisë së shtetit, për t’i vlerësuar dhe inkurajuar në punën e tyre.

Nisur nga Vettingu në radhët e bluve, Xhafaj deklaron se asnjë i korruptuar dhe i lidhur me krimin nuk do ketë vend në polici.

Në të, iu është prezantuar edhe një adresë e-mail-i e posaçme, e cila do të shërbejë si një mundësi e drejtpërdrejtë komunikimi për çdo mendim, sugjerim konkret, apo shqetësim në funksion të përmirësimit të punës dhe rolit të Policisë së Shtetit.

Gjatë kësaj jave, në këtë adresë kanë mbërritur disa mesazhe nga punonjës të thjeshtë të Policisë së Shtetit nëpërmjet të cilëve shprehin shqetësime e propozime konkrete, që janë bërë objekt i trajtimit me prioritet nga vetë Ministri dhe stafi i tij.

Letra e plotë e ministrit të Brendshëm Fatmir Xhafaj: 
Të nderuar punonjës të Policisë së Shtetit,
Ju përshëndes dhe ju shpreh gjithë mirënjohjen time për punën tuaj fisnike, në shërbim të qytetarëve për ruajtjen e rendit dhe sigurisë publike.

Vlerësoj pafund, çdo mesazh mbështetës dhe inkurajues që kam marrë nga shumë punonjës të Policisë së Shtetit, për rikthimin në detyrën e Ministrit të Brendshëm. Politikisht, pritshmëria juaj për të nesërmen është një detyrim më shumë për mua.

Dinjitet, devotshmëri, integritet dhe vendosmëri, këto janë cilësitë që duhet të garantojmë, në përpjekjet për të vendosur rendin e sigurinë publike.

Unë besoj fort dhe jam thellësisht i bindur, se në rradhët e Policisë së Shtetit gjenden shumë gra dhe burra të cilët punojnë me përkushtim dhe ndershmëri, në mbrojtje të të drejtave dhe interesave legjitime të qytetarit. Mirënjohje dhe vlerësim do të ketë nga unë si Ministër për të gjithë ata.

Ndaj, sfida jonë e parë është sigurimi dhe garantimi i profesionalizmit brenda vetë forcave të policisë.

Do të duhet të ndajmë nga trupi i shëndetshëm i Policisë së Shtetit çdo gjymtyrë të gangrenizuar, të lidhur me krimin, të vënë në shërbim të tij apo dhe që ka fjetur gjumë përpara krimit.

Për këtë arsye, akti im i parë si Ministër i Brendshëm, shënoi nisjen e procesit për organizimin e Vetting-ut për të gjithë punonjësit e Policisë së Shtetit. Pjesë e këtij shërbimi do të jenë vetëm njerëz profesionalisht të aftë dhe me integritet të lartë moral.

Inkurajoj dhe mirëpres nga ju çdo mendim, sugjerim konkret, apo shqetësim ndaj kujtdo qoftë ai, në funksion të përmirësimit të punës, rolit dhe reputacionit të Policisë së Shtetit. Ndaj, ju lutem mos ngurroni të më shkruani në adresën: [email protected], e cila do të jetë në dispozicionin tuaj dhe vëmendjen time.

Çdokush që ka një shqetësim do të marrë një përgjigje serioze. Çdokush që ka një ide do të dëgjohet me vëmendje maksimale.

Më lejoni gjithashtu, që nëpërmjet jush, tu shpreh mirënjohje prindërve, bashkëshortëve dhe fëmijëve tuaj, që janë mbështetja kryesore e sakrificës suaj të përditshme.

Duke ju falënderuar edhe njëherë, gjithësecilin nga ju, grave dhe burrave të ndershëm të Policisë së Shtetit, për gjithçka keni bërë dhe vazhdoni të bëni në shërbim të qytetarëve dhe vendit, ju siguroj gjithë mbështetjen time në punën tuaj të përditshme për përballimin e sfidave që na presin.

Ne nuk kemi asnjë mundësi tjetër veçse të triumfojmë mbi këto sfida në emër të së nesërmes më të mirë të prindërve dhe fëmijëve tanë. Mbi supet tona qëndron e ardhmja europiane.

Suksesi do të jetë i të gjithëve dhe për të gjithë!

Me konsideratë,
FATMIR XHAFAJ

October 2, 2017 09:45
Komento

8 Komente

  1. perkthyesi October 2, 10:00

    Fjale te degjuara me qindra here! Keshtu e kane shtyre dhe kerkojne ta shtyjne keta mytebere!

    Reply to this comment
  2. Adela Janku October 2, 10:39

    Transparenca eshte nje nga elementet me te rendesishem per ta pastruar policine nga njerzit e inkriminuar.

    Reply to this comment
  3. Astriti October 2, 10:50

    Me ne fund nje minister qe mendon per policine dhe per te rritur sigurine e qytetareve.

    Reply to this comment
  4. Molier October 2, 10:56

    Këto nuk janë thjesh fjalë, janë nisja e një procesi pastrimi të policisë i cili do t’i japi dinjitetin e humbur policisë përballë kriminelëve të këtij vendi.

    Reply to this comment
  5. Mirel Voda October 2, 11:10

    Ministri i ri ka treguar fakte qe ka ardhur per te punuar. Qekur ishte ne detyre para pak muajsh dhe tashme qe u rikthye ka pasur vetem bashkpunime me autoritetet e huaja dhe transparence

    Reply to this comment
  6. erlira bushi October 2, 11:33

    nje leter e shkruar shume bukur qe tregon perkushtimin dhe vendosmerine e zotit xhafaj ne kryerjen e detyrave me marrjen e ketij posti.eshte per tu vleresuar nje minister qe mendon dhe jep mbeshtetjen e tij maksimale per punojesit e policise .

    Reply to this comment
  7. Sarakaçani October 2, 11:57

    Z.Xgafa pse nuk veproni nga puna por.herë pas here na thuhet se “do ti.pastrojmë…
    .
    PO HË.PSE NUK FILLONI.APO JANË FJALË. NP.ÇADËR U HAP SHPREHJA: SKENINPARË GJË AKOMA ETJ
    Shprehje e.lulit lsi ps etj . Nejse varia kesaj oune. Nuk bëhet qylym me fije rëre. Tung
    Sarakaçani

    Reply to this comment
  8. Krist October 2, 19:57

    Sarakacani,keni thene ate qe nuk do ta thonte kurre asnje rilindas,bashke me komentuesit e tjere si me siper.Per kete pune je ne ate detyre,more zoti minister,vepro,fushen e ke te lire,kopetencat t’i ka vene kushtetuta,perse u dashka t’i njoftoke policet,apo thjesht i paralajmerove qe te marrin masat te zhdukin cdo gjurme qe mund t’i diskrtitoje?

    Reply to this comment
Shiko komentet

Komento

Your e-mail address will not be published.
Required fields are marked*