Zbardhet vrasja e shqiptarit në mes të Athinës, zbulohet ekzekutori

March 6, 2018 18:42

Zbardhet vrasja e shqiptarit në mes të Athinës, zbulohet ekzekutori

Pas gjashtë vitesh, Policia e Athinës ka zbardhur vrasjen e një 29-vjeçari shqiptar që u ekzekutua brenda makinës së tij.

29-vjeçari u gjet i vrarë në makinë në lagjen Peristeri më 21 Gusht 2012. Nga hetimet rezulton se autor i vrasjes është një 38-vjeçar shqiptar, i cili tashmë ndodhet i arrestuar.

Ekzekutori lëvizte me një motor së bashku me një grua 29-vjeçare, kur qëlloi për vdekje shqiptarin që qëndronte brenda makinës.

Mediat greke shkruajnë se 38-vjeçari shqiptar i quajtur Dhimitër Meçi apo i njohur ndryshe si Dhimo, është një vrasës profesionist dhe bënte një jetë të thjeshtë jo shumë luksoze. Megjithatë, në bankë atij iu gjetën shuma të mëdha parash.

Si ndodhi vrasja në 2012

Sipas televizionit grek ERT, viktima në atë periudhë jetonte në Holandë dhe shkoi në Athinë pasi e kërkoi 38-vjeçari për një punë. 29-vjeçari shqiptar kishte lënë takim me një femër, me të cilën ishte njohur në rrjetet sociale. Të dy kishin rënë dakord të takoheshin në lagjen “Peristeri”.

Në fakt, gruaja me të cilën ai kishte folur, është 29-vjeçarja greke, bashkëpunëtore e vrasësit. Ajo kishte përdorur identitet të rremë dhe vepronte sipas udhëzimeve të 38-vjeçarit shqiptar.

Gruaja fliste shpesh në telefon dhe me mesazhe me viktimën 29-vjeçar, të cilin e nxori në pritë ku dhe u ekzekutua nga 38-vjeçari. Ky i fundit është kontingjent i njohur kriminal.

Në të kaluarën, ai është akuzuar për vrasje, dy vrasje të mbetura në tentativë, përfshirje në organizatë kriminale, grabitje dhe vjedhje.

o.j/dita

March 6, 2018 18:42
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*