Luan Rama takon ish-Sekretarin e Përgjithshëm të NATO-s: Krimi i politikanëve, neglizhimi i rreziqeve!

September 10, 2018 17:17

Luan Rama takon ish-Sekretarin e Përgjithshëm të NATO-s: Krimi i politikanëve, neglizhimi i rreziqeve!

Zëvendëskryetari i LSI-së, Luan Rama, ka takuar në Londër ish-Sekretarin e Përgjithshëm të NATO-s, Lordin Robertson.

Rama shfaqi kënaqësinë e tij për këtë takim të ardhur pas 16 vitesh, si dhe rikujtoi bashkëpunimin e tij të frytshëm me ish-Sekretarin e Përgjithshëm të NATO-s.

“Ishte një kënaqësi e madhe për mua të takoja sërish pas 16 vjetësh një mik të vyer të Shqipërisë, ish-Sekretarin e Përgjithshëm të NATO-s, Lordin Robertson, me të cilin kam patur fatin të kem një bashkëpunim shumë të mirë gjatë periudhës kur shërbeja si Ministër i Mbrojtjes në vitin 2002, në qeverinë e Kryeministrit Pandeli Majko”, tha Luan Rama.

Ai bëri të ditur se Robertson theksoi në Seminarin Parlamentar për Ballkanin Perëndimor  se është shumë e rëndësishme të nxjerrim mësim nga e kaluara dhe të mos heqim dorë nga përvojat e suksesshme të së shkuarës.

“Praktika kur një gjeneratë e re politike që vjen në qeverisje, e fillon çdo gjë nga zeroja, është e gabuar dhe e dëmshme”, citoi Rama.

Ai madje veçoi në ligjëratë të drejtë edhe një shprehje të tij:  “Krimi më i madh që mund të bëjnë politikanët, është të neglizhojnë rreziqet!”

Rama bëri me dije se ish-Sekretari i Përgjithshëm të NATO-s u interesua për zhvillimet në Shqipëri si dhe nënvizoi domosdoshmërinë e forcimit të rolit të Shqipërisë si një faktor i rëndësishëm stabiliteti në rajon.

s.a/dita

 

September 10, 2018 17:17
Komento

2 Komente

  1. Jimi September 10, 20:52

    Ishi me ishin!?

    Reply to this comment
  2. hysa September 11, 08:42

    Sa mire qe ju gazetare na lajmeroni edhe per takime te shokeve te vjeter, te cilet sot nuk kane asnje lidhje me politiken, e aq me teper te shqoiperise.

    Reply to this comment
Shiko komentet

Komento

Your e-mail address will not be published.
Required fields are marked*