Zgjedhjet / Zv.kryeministrja Mandija takim me Llallën: Të hetohen burimet e paligjshme

June 1, 2017 17:32

Zgjedhjet / Zv.kryeministrja Mandija takim me Llallën: Të hetohen burimet e paligjshme

Zëvendëskryeministrja, Ledina Mandija zhvilloi sot një takim me Prokurorin e Përgjithshëm Adriatik Llalla.

Në këtë takim, Mandija bisedoi me Prokurorin e Përgjithshëm për një bashkëpunim maksimal në ndjekjen me përparësi dhe hetimin e rasteve abuzive, të cilat dëmtojnë procesin e zgjedhjeve të lira dhe të ndershme, duke i kërkuar që kjo të formalizohet dhe përmes një marrëveshje bashkëpunimi ndërinstitucionale mes Këshillit të Ministrave, Prokurorisë, Komisionit Qendror të Zgjedhjeve dhe Komisionerit për Mbikëqyrjen e Shërbimit Civil.

Gjatë bashkëbisedimit, Zv/Kryeministrja nënvizoi rëndësinë e rolit të organit të Prokurorisë, në hetimin e rasteve të përdorimit të  burimeve njerëzore, financiare dhe logjistike të administratës shtetërore, gjatë procesit zgjedhor për vitin 2017.

Mandija i kërkoi Prokurorit të Përgjithshëm në mënyrë specifike që të hetohet në drejtim të rasteve të përdorimit të burimeve të siguruara nga veprimtaritë e paligjshme.

Prokurori i Përgjithshëm, shprehu vullnetin dhe angazhim maksimal si dhe është dakordësuar për formalizimin e një marrëveshje bashkëpunimi ndërinstitucional.

Më parë, Zv/Kryeministrja ka realizuar takime edhe me  Kryetarin e KQZ-së dhe  Komisionerin e Mbikëqyrjes së Shërbimit Civil me të cilët është rënë dakord për një marrëveshje bashkëpunimi ndërinstitucionale, e cila pritet të nënshkruhet së shpejti.

June 1, 2017 17:32
Komento

1 Koment

  1. adnan kondakci June 1, 17:48

    Zonja Mandia paska kerkuar nje marreveshje nderisnstitucionale per zgjedhjet e 23 qershorit. Nje pyetje kam per ju zonje e nderuar:Marreveshje apo te luftojme te zbatojme ligjin? Perse i keni kaq qejf marreveshjet dhe jo ligjin. Apo, nese nuk do t;i kishit aq fort per zemer, ju si e paafte qe jeni, nuk mund te vinit dot ne ate pozicion?

    Reply to this comment
Shiko komentet

Komento

Your e-mail address will not be published.
Required fields are marked*