Zhduket nëndetësja koreano-veriore

March 12, 2016 20:08

Zhduket nëndetësja koreano-veriore

Një nëndetëse koreano-veriore është zhdukur dhe mendohet të jetë mbytur në ujërat territoriale të vendit të izoluar komunist.

Sipas një gazete amerikane me lidhje të afërta ushtarake, ka disa ditë që mjeti lundrues nënujor është zhdukur.

Aksidenti vjen në një kohë tensionesh të larta në rajon, me Korenë e Jugut dhe Shtetet e Bashkuara që vazhdojnë stërvitjen e përbashkët ushtarake më të madhe të kryer ndonjëherë.

Regjimi i Penianit kishte shprehur irritimin e tij lidhur me këtë stërvitje, duke lëshuar kërcënimin bërthamor të radhës si kundërpërgjigje.

Sipas gazetës së Institutit të Marinës Amerikane, satelitët amerikanë po mbikëqyrnin nëndetësen kur papritur ajo u zhduk. Burimi në fjalë thotë se, ushtria koreano-veriore ka në dispozicion një flotë prej rreth 70 nëndetësesh të përmasave të ndryshme.

Sipas CNN, ushtria amerikane ka bërë kërkime për mjetin e zhdukur. Ndërsa i dërguari i BBC në Seul, Stephen Evans thotë se Peniani ka dy baza nëndetësesh në bregun lindor, përballë Japonisë, dhe shton se mjeti po lundronte pikërisht në këto ujëra.

March 12, 2016 20:08
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*