Zjarri bën kërdinë në masivin pyjor të Librazhdit, flakët mund të izolohen vetëm me…

July 30, 2017 15:52

Zjarri bën kërdinë në masivin pyjor të Librazhdit, flakët mund të izolohen vetëm me…

Një zjarr i përmasave të mëdha ka shpërthyer mesditën e sotme në masivin pyjor të Babjes, fshati Babje, njesia administrative Qender në Librazhd.

Sipas raportimit të gazetarit Fatmir Popja, përmasat e zjarrit sa vijnë e rriten, ndërsa për të shuar flakët kanë dalë në aksion edhe banorët e zonës dhe punonjës të shërbimit zjarrfikës.

Mëgjithatë bëhet me dije se për shkak të terrenit të vështirë është e pamundur ndërhyrja me mjete. Raportohet gjithashtu se deri më tani zjarri është përhapur në një sipërfaqe prej 2 hektaresh, ndërsa shkaqet e tij janë ende të paqarta.

Kryebashkiaku i Librazhdit, Kastriot Gurra deklaron se situata e krijuar është mjaft problematike dhe se vetëm një ndërhyrje nga ajri do të shuante flakët e mëdha që po përhapen me shpejtësi.

“Vetëm ndërhyrja nga ajri mund të shmangë përmasat e dëmit katastrofik në ekonominë pyjore të Babjes. Terreni i vështirë nuk lejon ndëhyrjen e mjeteve të shërbimit zjarrfikës. Ky është zjarri me përmasat më të mëdha gjatë kësaj vere në pyjet e Librazhdit”,- tha ai.

July 30, 2017 15:52
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*

Njoftim

Njoftim

Njoftim