Zyrtare: Sadiku transferohet në Poloni

Nga Arkiva

• Man.City rikonfirmon interesimin, 22 mln në janar për Alexis Sanchez 0 07.Oct
• Vrau të dashurën, lirohet me kusht atleti Oscar Pistorius 0 20.Oct
• Dopingu, Shqipëria rrezikon pezullimin nga aktivitetet ndërkombëtare 2 23.Jan

Tashmë është zyrtare! Skuadra e re e Armando Sadikut është Legia Warszawa. Sulmuesi i kombëtares shqiptare ka mbyllur gjithçka pasditen e sotme, ndërsa paradite ka kaluar me sukses kontrollet mjekësore.

26-vjeçari, i cili vjet kaloi një sezon të madh te FC Lugano dhe më pas u rikthye te FC Zürich, klubi i cili zotëron kartonin e tij, ka firmosur për tre vite me kampionët e Polonisë, ku do të mbajë veshur fanellën me numrin 99. Shuma e transferimit të tij ende nuk dihet.

Zvicra ka qenë “foleja” më e ngrohtë e Sadikut, aty ku ai u bë i famshëm dhe fitoi një vend në përfaqësuese, por gjithçka e ka një fund dhe ai ka vendosur të ndryshojë destinacion. Për këtë sezon, sulmuesi është shqiptari i parë në kampionatin polak.

Përpara Sadikut, në Poloni kanë luajtur dy legjionarë të tjerë, Edgar Çani dhe Sebino Plaku, të cilët kanë pasur probleme financiare me klubet e tyre. Urojmë që “bomberi” nga Elbasani të ketë një fat më të mirë dhe të shqyejë rrjetat çdo fundjavë.